Teri yaadon ko hum ek haadsa sa maan lete hain
Teri baaton ko hum ek falsafa sa maan lete hain
Tera bicharna haqeeqat tha ye sabne maana hai
Tera milna tha afsana ye haqeeqat jaan lete hain
Tuesday, September 27, 2011
Haqeeqat
Posted by Raaz at 9:44 PM 0 comments
Dard ki Dawa
Jisko samjha tha khushi ghum ki wajah nikli hai
Jisko samjha tha rihayi woh saza nikli hai
Itni ruswayion ke baad tuney kuch to ehsaan kiya
Tujhse judayi hi mere dard ki dawa nikli hai
Posted by Raaz at 9:43 PM 0 comments
Thursday, June 16, 2011
Safar
Khwahishon ke samandar se mein guzar chuka
Ranjishon ke sehraon mein safar kar chuka
Rastey mein bhatak jaatey hain raahi aksar
Main to manzil se mil ke apni, us se bichar chuka
Kis se ho shikyat aur kis se karen shikwa
Dil cheer kar qaatil ka jab khanjar guzar chukka
Is ‘RAAZ’ ka chupna mumkin se hua na mumkin
Dil tod kar mera woh neelaam kar chuka
Posted by Raaz at 11:31 AM 0 comments
Sunday, June 5, 2011
Zakhm e Mohabbat
Ab teri bazm mein mujhe aise hi jeena hoga
Dekh kar tujhko ye jaam e zeher peena hoga
Tujhse nafrat bhi kar sakta nahi aye zaalim
Guzarta har lamha dard zakhmon ka sehna hoga
Chedega teri bat jab tanha mehfil main koi
Phir meri peshani per khushk paseena hoga
Koi to khush lota hai mujhe be-aashna karke
Shayad qarar tera bhi maine hi cheena hoga
Kab socha tha ke ye "raaz" bhi khulega kabhi
Tera khanjar hoga aur chak mera seena hoga
Posted by Raaz at 4:59 PM 0 comments
Friday, April 29, 2011
Tarq e Zindagi
Kya karoon yaad us bhoole hue fasaney ko
Koi waada ab na baaqi raha nibhaney ko
Bas usi dum chor di manzil ki tamanna dil ne
Jab raha raahi nahi koi saath nibhaney ko
Tarq mohabbat bhi ki, tarq e taalluk bhi kiya
Aur kya lootogey tum lootey hue khazaney ko
Badli mein jakey chup jaata hai chaand bhi aksar
Kuch bhi na raha baaqi RAAZ zakhm chupaney ko
Posted by Raaz at 7:06 PM 0 comments
Beenai
Ab ye tanhai ka aalam nahi dekha jaata
Jo na barse woh mausam nahi dekha jaata
Aandhiyan aati hain ghar baar ujar aate hain
Dil ko toofan se ujarta nahi dekha jaata
Na mayassar ho teri deed mujhe shikwa nahi
Khali dil ka hua kona nahi dekha jaata
Ab na baaqi hai teri yaad na teri baatein
Mujhse dhundlaya hua sapna nahi dekha jaata
Posted by Raaz at 6:41 PM 0 comments
Wednesday, April 6, 2011
Faisla
Apne daaman mein liye baitha hoon yaadien uski
Roz suntan hoon sunata hoon main baatein uski
Kuch to kare woh rehem zakhmi jigar par mere
Lab na kholey magar kuch to kahen nigahen uski
Woh banaya tha jo dil mein haseen sheeshmahal
Tod aya hoon aaj main saari deewaren uski
Ab na humraah ka pata hai na manzil ki khabar
Chor aya hoon bahut duur main raahein uski
Posted by Raaz at 4:41 PM 0 comments
Monday, March 14, 2011
Ishq e Nakaam
Tujhme hi maine khwabon ki taabeer ko dekha
Banti hui bigdi meri taqdeer ko dekha
Jab duur tha to tu mere dil ke qareeb tha
Paas aakar tujhe maine badi duur se dekha
Chaha nahi kisi ko bhi humne tere siwa
Tuney hi na dil mein basi tasweer ko dekha
Ab main hoon, ye qalam hai, aur lafz hain tanha
Bikhri hui kagaz pe ishq ki tafseer ko dekha
Posted by Raaz at 4:09 PM 0 comments
Thursday, February 3, 2011
Guftugu e Ishq
Ankahi baat jo hai kaash samajhta koi
Ishq mein meri tarhan bhi to tadapta koi
Gar pata hota anjaam e mohabbat pehle
Phir to izhar e mohabbat se bhi darta koi
Zakhm dene mein to mahir hain sabhi duniya wale
Kaash zakhmon ka marham bhi to karta koi
Khuli kitaab hoon main koi 'Raaz' to nahi
Dil ke warqon ko kabhi gor se parhta koi
Posted by Raaz at 6:44 PM 0 comments