Tera Ehsas

Yoon to daaman mera ashkon se bhara rehta hai
Tere aaney ki hawa daaman ko sukha deti hai

Ishq ka Safar

Raah-e-Ishq mein aise bhi maud aaney lagey
Woh hamey dekh kar besaakhta muskuraney lagey
Woh mohabbat hai ya shararat ye mujhe ilm nahi
Bas unkey saath hum hazaron khwaab sajaney lagey

Tera Husn

Bahaar e husn se tere thoda sa shabab chahta hoon
Teri aankhon se main bas aik khwaab chahta hoon
Tu mujhe chahti nahi ye gila to zaroor hota hai
Magar mein phir bhi tujhe be-hisaab chahta hoon
Dua to jab bhi kari thi aur ab bhi duaen jaari hain
Hujoom-e-gham se main teri nijaad chahta hoon
Mehfil mein dhoondti hain meri nigah tujhko
Teri ek nazar se mein dil ka karaar chahta hoon

Noor

Yoon chalakta hai tera nuur sitaron ki tarhan
Jaise ayi ho koi rut baharon ki tarhan
Jaagta rehta hoon tere khayalon mein yoon
Jaise nazron mein basi ho tu nazaron ki tarhan
Teri deed se mehroom hain aankhen meri
Bas dekh leta hoon tujhe raat ke khwabon ki tarhan
Ab na din mein sukoon na raat ko chen aata hai
Dil-e-sheeraz hai ab saagar ke kinaron ki tarhan

Judai ka ehsas

Haasil kiye bagair tumko gawaney lage hain hum
Roothey hain khud aur tumko mananey lage hain hum
Ajab ye ittefaaq hai ya keh lo isey meri majboori
Jo baat tumse kehni hai woh chupane lage hain hum
Kal hi to tootey the mere khwaab sab yaad hai magar
Phir aaj kayi naye khwaab sajaney lage hain hum

Jaun Eliya

Be-Dili kya yuhin din guzar jayenge
Sirf Zinda rahe hum to mar jayenge

Tamanna

Aarzu teri hai seeney mein justuju teri hai
Meri har guftugu mein faqat guftugu teri hai
Jab bhi dekha hai maine ayina to meri aakhon mein
Jo tasweer dikhti hai woh tasweer hubahu teri hai

Dard Ki Dawa

Kitna haseen hai mere dard ka manzar dekho

Jo na Shamil the kabhi aaj who bhi ayen hain

Jinko khabar bhi na thi dard-e-dil ki mere

Aaj to woh bhi dawa mere dard ki layen hain

Itna zaahir hai wajood aaj unka kya kahoon

Jis taraf dekhon us taraf unke saayen hain

Itna sheeren bhi ho sakta hai “sheeraz” ye sabab?

Ya unke hone se mere dard fana paye hain?

Teri Yaad

Aks-e-dil chupana bada mushkil hai

Tujhe bhool jaana bada mushkil hai

Kal bhi maine chaha tha teri yaad na aye

Par teri yaad na aana bada mushkil hai