Yoon to daaman mera ashkon se bhara rehta hai
Tere aaney ki hawa daaman ko sukha deti hai
Wednesday, March 24, 2010
Tera Ehsas
Posted by Raaz at 8:11 AM 0 comments
Monday, March 22, 2010
Ishq ka Safar
Raah-e-Ishq mein aise bhi maud aaney lagey
Woh hamey dekh kar besaakhta muskuraney lagey
Woh mohabbat hai ya shararat ye mujhe ilm nahi
Bas unkey saath hum hazaron khwaab sajaney lagey
Posted by Raaz at 8:11 PM 0 comments
Friday, March 19, 2010
Tera Husn
Bahaar e husn se tere thoda sa shabab chahta hoon
Teri aankhon se main bas aik khwaab chahta hoon
Tu mujhe chahti nahi ye gila to zaroor hota hai
Magar mein phir bhi tujhe be-hisaab chahta hoon
Dua to jab bhi kari thi aur ab bhi duaen jaari hain
Hujoom-e-gham se main teri nijaad chahta hoon
Mehfil mein dhoondti hain meri nigah tujhko
Teri ek nazar se mein dil ka karaar chahta hoon
Posted by Raaz at 8:53 PM 0 comments
Thursday, March 18, 2010
Noor
Yoon chalakta hai tera nuur sitaron ki tarhan
Jaise ayi ho koi rut baharon ki tarhan
Jaagta rehta hoon tere khayalon mein yoon
Jaise nazron mein basi ho tu nazaron ki tarhan
Teri deed se mehroom hain aankhen meri
Bas dekh leta hoon tujhe raat ke khwabon ki tarhan
Ab na din mein sukoon na raat ko chen aata hai
Dil-e-sheeraz hai ab saagar ke kinaron ki tarhan
Posted by Raaz at 8:23 PM 0 comments
Judai ka ehsas
Haasil kiye bagair tumko gawaney lage hain hum
Roothey hain khud aur tumko mananey lage hain hum
Ajab ye ittefaaq hai ya keh lo isey meri majboori
Jo baat tumse kehni hai woh chupane lage hain hum
Kal hi to tootey the mere khwaab sab yaad hai magar
Phir aaj kayi naye khwaab sajaney lage hain hum
Posted by Raaz at 4:45 PM 0 comments
Jaun Eliya
Be-Dili kya yuhin din guzar jayenge
Sirf Zinda rahe hum to mar jayenge
Posted by Raaz at 8:27 AM 0 comments
Tuesday, March 16, 2010
Tamanna
Aarzu teri hai seeney mein justuju teri hai
Meri har guftugu mein faqat guftugu teri hai
Jab bhi dekha hai maine ayina to meri aakhon mein
Jo tasweer dikhti hai woh tasweer hubahu teri hai
Posted by Raaz at 11:25 PM 0 comments
Dard Ki Dawa
Posted by Raaz at 6:21 PM 0 comments
Sunday, March 14, 2010
Teri Yaad
Posted by Raaz at 11:53 PM 0 comments