Hujoom e gham hai yahan aisa ki kya kiya jaye
Jaam peena hai yahan dard ka kya kiya jaye
Dil ke tukde kiye jayen to shikayat nahi hogi
Tootey dil ko woh satayen to kya kiya jaye
Woh na dekhen hame to hum dil ko mana lenge
Dekhen hame aur nazren churayen to kya kiya jaye
Khanjar chale dil par to koi gham nahi hoga
Bina khanjar karen woh qatl to kya kiya jaye
Saturday, July 31, 2010
Shikayat
Posted by Raaz at 7:56 PM 0 comments
Duuriyan
Dil ko samjhana ab bekaar nazar aata hai
Hum se rootha hua ab yaar nazar aata hai
Duur rehta tha to kareeb e dil tha bada
Paas rehkar woh duur daraz nazar aata hai
Posted by Raaz at 10:58 AM 0 comments
Friday, July 23, 2010
Ruswa Mohabbat
Is tarhan Mohabbat ko rootha hua dekha hai
Jaise phool ko shaak se toota hua dekha hai
Jahan hota hai Aghaaz-e-Mohabbat aksar
Dil ke tukron ko wahin bikhra hua deka hai
Posted by Raaz at 2:49 PM 0 comments
Monday, July 12, 2010
Akhiri Alwida
Majboor hoke tujhko bhulana hi padega
Hume saath tera chor kar jaana hi padega
Samjhi hi nahi tu meri mohabbat ki inteha
Ab dil khol kar apna mujhe dikhana hi padega
Har su hai tera aks is shehr-e-wafa mein
Mujhko ye sheher chor kar jana hi padega
Tu thi to akelepan se dar itna nahi tha
Ab tu nahi to tanhai se dil lagana hi padega
Posted by Raaz at 3:51 PM 0 comments
Friday, July 9, 2010
Ehsaas e Dard
Aik tanha phool ko murjhatey hue dekha maine
Aik tanha dil ko tadaptey hue dekha maine
Dekha jo gor se woh phool mere dil ka hi tha
Khud apne nafs ko bichadtey hue dekha maine
Posted by Raaz at 7:30 PM 0 comments
Wednesday, July 7, 2010
Purana Ehsaas
Phir khuli hain kitaben purani yaadon ki
Phir hawaen usi warq par aake thami hain
Phir se likha hai mohabbat ka woh farman e wafa
Phir hai ehsaas woh taza magar phir unki kami hai
Posted by Raaz at 7:38 PM 0 comments
Friday, July 2, 2010
Chiraag e Ishq
Dil mein chiraag e ishq jalana ghazab hua
Jalke jab bhuja to unko bhulana ghazab hua
Hum sochte the phir na dhadkega hamara dil
Woh saamne aye aur nazren milana ghazab hua
Posted by Raaz at 6:41 PM 0 comments
Dil ke paas
Kareeb beth kar unke ye hamey ehsaas hua
Woh khubsurat hi nahi woh khush mizaaj bhi hain
Jinko takte the hum bas duur duur se ab tak
Woh kareeb e nigah hi nahi woh dil ke paas bhi hain
Posted by Raaz at 6:38 PM 0 comments